Kòrsou den gran forma ta golia Guadaloupe 6-0

335
Nos ekipo nashonal ku goliada riba Guadaloupe.
WILLEMSTAD—Stadion Ergilio Hato na Brievengat, ayera tabata esenario pa e wega bálido pa e di 3 buèlta di Concacaf Nations League, unda e selekshon di Kòrsou, a enfrentá e selekshon for di Guadaloupe.

Tabata partido ku a keda dirigí pa miembronan di arbitrahe for di El Salvador, unda e ekipo di kas, hungando dilanti di un gran públiko, a logra triunfo pa goliada ku skor di 6-0. Un ke otro despues ku esaki a sosegá ku nos ekipo den bentaha mínimo di 1-0.

Sinembargo despues ku e ekipo di Guadaloupe tabata dunando basta resistensia den promé tempu, kosnan a bòltu kompletamente, unda nos ekipo nashonal ta logra anotá na 5 okashon pa bai ku e triunfo.

Nos ekipo a duna un gran partido, ku e públiko bibando ku e partido, animando nos futbolistanan ku a duna tremendo futbòl di konhunto i a demostrá di ta un gran ekipo. Un ke otro pa asina pasa pa komandá bèk, despues di logra nos di 3 triunfo den e kompetensia i ta ketu bai sin gol kontra, awor ku 21 na fabor den 3 wega.

Banda di a hunga un tremendo partido, tambe nos ekipo nashonal a sòru pa diferente tremendo gol, riba hugadanan di konhunto, ku a finalisá den tremendo forma, unda e ekipo kontrali no por a hasi nada pa pro e evitá e goliada aki.

Elson ‘Sontje’ Hooi na 2 okashon, meskos ku Gevaro Nepomuceno, kende tambe a anotá na 2 okashon i tabatin 2 asistensia, miéntras ku Rangelo Janga a anotá na un okashon i tabatin un outogol, pa totalisá e 6 golnan di e wega di ayera.

E selekshon di Kòrsou, ayera a inisiá ku Eloy Room den gol, huntu ku kapitan ‘Cuco’ Martina, Darryl Lachman, Suently Alberto (Shanon ‘Cheese’ Carmelia), Bradley Martis (Jurich Carolina), Leandro Bacuna (Michael Maria), Jeremy de Nooijer, Elson ‘Sontje’ Hooi, Gevaro Nepomuceno, Brandley Kuwas i Rangelo Janga.