Jemyma Betrian a gana aktual kampion mundial

167
Jemyma Betrian.
INDIA—Jemyma Betrian ta logra otro triunfo den e kampionato mundial di bòkseo ku ta tumando lugá na New Delhi India. Esaki den kompetensia, unda pa e promé biaha e ta partisipando, pero no ta respetá ningun kontrinkante.

Ayera tabata su di 4 triunfo, den igual kantidat di pelea realisá. Un ke otro, ora ku den kombate bálido pa kuart final, e la topa  ku e aktual kampion mundial, pa loke ta kategoria femenino ta ku 57 kilo, kende ta e italiano Alessia Masiano.

E YDK a logra triunfo, pa asina pasa pa semifinal. Jemyma di 27 aña di edat, lo bolbe bringa próksimamente, buskando un triunfo, pa asina trata na sigurá su pase pa final. E gran final di e kampionato mundial di bòkseo femenino, lo ta djasabra benidero dia 24 novèmber 2018. Ku e resultado aki i su pase pa semifinal, Jemyma a konfirmá di ta den premiashon pa loke ta su kategoria.