Dos morto despues ku karetera ta hundi na Portugal

266
Buraku ku a keda atras despues di e hundimentu i den kua posiblemente mas vehíkulo a kai.

PORTUGAL – Dos persona a pèrdè nan bida despues di hundimentu di un karetera den oranan di djaluna tras di lomba na e region di Alentejo, na sùit di Portugal. Ademas otro tres a keda reportá komo pèrdí.

E bosero di Protekshon Sivil a indiká ku e kurpa di e víktimanan mortal ya a keda retirá i ku nan ta den kurso di operashon pa hisa e segundo.

E via a habri den oranan trempan di atardi serka di un sitio situá entre e munisipionan di Borba i Vila Viçosa, lagando burakunan di dimenshon enorme, den kua e vehíkulonan a disparsé.

Segun a keda indiká, tin sospecho ku durante di e hundimentu aki, otro dos vehíkulo por a kai den bashí. Pa esaki ainda lo por tin mas personanan pèrdí, pero ya a inisiá ku trabounan di búskeda.

Den mesun rosea outoridatnan a pidi e poblashon pa no sirkulá riba vianan serkano, kua nan ta keda usá diariamente pa bisiñanan di Borba i Villa Viçosa i ku segun bisiñanan a indiká, tabata presentá problemanan na vários okashon.

E via hundi tabata e karetera nashonal pa dies aña, na momentu ku a konstruí un alternativo di paso di ámbos lokalidatnan. Sinembargo, esaki a keda habrí pa tráfiko i su uso tabata frekuente entre bisiñanan di e zona.