Kòrsou den ‘Kopa di Karibe di beisbòl’

175
Peloteronan di nos selekshon.
REPUBLIKA DOMINIKANA—Durante di e periodo di 6 te ku 9 desèmber benidero, lo bai tin e promé edishon di ‘Kopa di Karibe di beisbòl’.

Esaki lo ta organisá pa Konfederashon Panamerikano di beisbòl i tambe e Konfederashon di beisbòl di Karibe, ku partisipashon di 6 ekipo. Un ke otro ku weganan ku lo mira akshon riba tereno di e kompleho ‘Campo Las Almas’, di e organisashon di Dodgers.

E kompetensia ta repartí den 2 grupo di kada unu 3 ekipo, unda Kòrsou ta parti di grupo A, huntu ku ekiponan for di Virgin Island i Perú, miéntras ku grupo B ta konta ku ekiponan for di Aruba, Haiti i Repúblika Dominikana mes.

Riba e promé fecha dia 6 desèmber Kòrsou lo hunga su dos weganan di e buèlta preliminar, enfrentando Virgin Island promé i seguidamente Perú, buskando e pase pa e siguiente buèlta i keda ku speransa pa alkansá e fecha final i e titulo máksimo di e kompetensia.

Relashoná ku esaki, durante di e último dianan e ekipo lokal, a realisá algun partido amistoso, preparando pa e kompetensia na e isla di merengue.