Kòrsou den tur final amatùr dòbel

160
Miembronan di e delegashon lokal di Beachtennis.
WILLEMSTAD—E aña aki tambe e federashon di “Curaçao Beach Tennis”, a keda representá pa atletanan for di nos isla den “Aruba Beach Tennis Tournament 2018”.

Un ke otro bou di direkshon di coach Manuel Mair di Zanzibar Beach Tennis.

Ta trata aki di un di e torneonan mas grandi di tènis di playa, unda tabatin alrededor di 1500 partisipante for di diferente parti di mundu. E evento aki, miéntras tantu ya tambe a bira e evento pa sera temporada internashonal di tènis di playa, durante di e último 10 añanan.

Danki na koperashon di Livingstone Jan Thiel Resort i Zanzibar Beach Curaçao, e delegashon lokal, por tabata durante di hinter un siman, na Aruba, unda nan a destaká i tabata eksitoso.

Den kategoria junior, e ekipo maskulino, formá pa Ole Colenbrander i Steije Sjoerdsma i tambe e ekipo femenino, ku Carmen i Maura Verschoor, a alkansá semifinal.

Ámbos ekipo tambe a alkansá final den dòbel amatùr di e kategoria Intermediate.

Miéntras ku nos representantenan a alkansá final den tur kompetensia amatùr dòbel.