Vapor i Rocha Gomez ta anotá pa Scherpenheuvel gana 2-1

93
Akshon durante di e wega.
WILLEMSTAD—Promé divishon di futbòl FFK a sigui ayera na Kintjan, den Stadion Antoine Maduro, ora ku Scherpenheuvel i Jong Colombia a enfrentá otro. Tabata wega ku a bin finalisá den un triunfo, ku skor di 2-1 pa e ekipo di Scherpenheuvel, dirigí pa Kenneth ‘Bob’ Bernabela.

Un ke otro despues ku e wega, ku a keda dirigí pa rèfri Juniel ‘Araña’ Adelina, a sosegá ku e ekipo ganadó den bentaha di 2-0. Scherpenheuvel a dominá kompletamente den e parti inisial, pa seguidamente e ekipo saminero dirigí pa Siegfried ‘Pipi’ Constancia, rekuperá den e parti komplementario dunando poko mas resistensia i ta bin logra deskontá den e minütnan final di e wega.

Jimbertson Vapor, na di 7 minüt i Nicolas Rocha Gomez, na di 41 minüt, tabata esnan ku a anotá pa e ekipo ganadó, miéntras ku outogol, despues di un tiru di Martha, tabata esun ku a sòru pa e gol pa Jong Colombia deskontá.

E kampionato ta sigui mañan djabièrnè dia 23 novèmber 2018, ora ku Centro Barber i Jong Holland enfrentá otro pa 8’or di anochi na Kintjan.