Jose Almonte a sòru pa e gol ganadó

213
WILLEMSTAD—Jose Almonte a anotá na di 61 minüt di wega pa Atomic logra e triunfo ayera. Un ke otro den segundo divishon di futbòl FFK, na momentu ku Atomic a enfrentá New Song. E wega a finalisá den un triunfo di 2-1, pa e ekipo di área di bándabou Atomic.

Tabata wega ku a keda dirigí pa rèfri Sam Hye, i ku a sosegá, ku e ekipo ganadó den bentaha mínimo. Riddick Koeiman a habri anotashon na minüt 19 pa Atomic pika dilanti i tambe sosegá den bentaha.

Seguidamente tabata den e parti komplementario ku Eviano Gysbertha, ta sòru pa New Song logra e empate na minüt 56, promé ku Almonte anotá i yuda su ekipo logra 3 punto.

Scholtz i Isebia, tabata e dosnan kende a asistí rèfri Sam Hye ayera, dirigiendo riba tereno di FFK na Brievengat.

E kampionato di futbòl FFK den di 2 divishon ta sigui, awe djabièrnè dia 23 novèmber 2018, pa mitar di 8 di anochi, na momentu ku U.D. Tera Kòrá, topa ku De Koning.