Propietario di “Pure ice” ta pidi pueblo di Kòrsou despensa

Momento ku tabata destruyendo tur e sakunan di eis

1241
Ayera a kuminsá deshasí di e eisnan.
E negoshi ku a ser sera debí di tabata ópera sin pèrmit i tambe tabata unu basta shushi.
Willemstad— Ayera e departamentu di GMN a ordená e negoshi Pure ice ku nan tin ku destruí tur e sakunan di eis ku ya nan tabatin traha pone den frizer debí ku no tabata konfia e awa ku esakinan a wòrdu traha kuné i tambe ku e edifisio tabata unu a higiéniko.
Vrizernan yena ku eis ku mester a deshasí di nan.

Despues ku Polis huntu ku e personal di GMN i tambe Meo a realisá kontròl den e negoshi di eis Pure Ice a laga sera esaki pa diferente omishon ku a bin topa kuné den e negoshi. Na e promé instante e negoshi  no tabatin e pèrmitnan nesesario ounke ku esaki ya tabatin 10 aña ta funshoná trahando eis. Tambe e negoshi aparte di tabata produsí eis tabatin mas artíkulo den e edifisio entre nan tayer i hopi artíkulo mas.

Tin basta kos ku mester wòrdu drecha na e negoshi.

No tabata konfia e awa ku e eis tabata wòrdu traha kuné ya ku a bin topa ku sapu banda di e tanki di eis i sapu ta biba den awa, tambe a bin topa ku lima den e awa i tambe schimmel kual a yega na e konklushon ku mester sera e negoshi pa asina hasi un limpiesa total i tambe pa drecha e edifisio mes. Ayera e gerente huntu ku algun trahadó a habri e negoshi pa asina por a kuminsá deshasí di tur e eisnan ku ya tabata traha yena den e frizer. E gerente a splika ku e ta pidi despensa públikamente i enbèrdat su negoshi tabata basta shushi i awor lo bai limpia esaki i ferf tur mashin di manera ku por bolbe kuminsá produsí eis.