15 mion èkstra pa Sehos

211
Punda– Mediante un dekreto ministerial, Sehos tei risibí un suma adishonal di 15 mion florin. Esaki ta un desishon ku siman pasá a wòrdu tumá pa Hunta di Minister.

Sehos tabata menasando ku un kaso den korte. E kaso mester a wòrdu tratá, mañan den korte sivil. Manera kosnan ta pintando, e kaso no tei sigui Sehos a entamá un wisio sivil kontra di gobièrnu di Kòrsou. Esaki debí ke Sehos ke haña 30 mion florin adishonal.  Entre Sehos i Gobièrnu pa algun tempu tin un diskushon riba retraso di pagonan di SVB na Sehos, konforme presupuesto entregá di Sehos. Splikando e problema mas fásil posibel, Sehos tur aña tin di traha su presupuesto di kosto i entrada. Esaki ta importante pa kòntròl i maneho di e instituto. E presupuesto ku Sehos ta traha, pa lokual trata su entrada, ta dependé di SVB su kontrolaria i suministrashon di informashon na administrashon di Sehos. A surgi un problema, unda Sehos a bin kai den un diskrepansha di 30 mion i Sehos ta argumentá ku e diskrepansha aki ta debí na fayonan den SVB su sistema di administrashon. Pa tal motibu Sehos ta kleim pa SVB paga nan èkstra 30 mion forin.
Pero SVB ta desmentí e informashonnan di Sehos kompletamente. Ta netamente SVB su kuentanan anual ta kla i kontrolá i Sehos ainda no a sera 2016. Mièntras tin e retraso, SVB no por aprobá e pagonan sin mas.  Entretantu e problem a wòrdu solushoná temporalmente. Na 2016 a pone e presupuesto di Sehos na 124 mion florin. Esaki ta nifiká ku Sehos tei haña un retraso di 4 mion florin pa 2016. Pa 2018 su presupuesto ta stipulá na 135 mion florin i nan tei haña 11 mion mas. En total 15 mion florin èkstra pa Sehos.