Scherpenheuvel i Undeba ku goliada

230
Akshon den wega ku Scherpenheuvel a golia Vesta.

WILLEMSTAD—Kasi tabatin dos diferente bululú den partidonan di promé divishon di futbòl FFK, ku a tuma lugá na Kintjan djasabra último.

Den e promé wega unda Scherpenheuvel a golia Vesta 4-0. Tabata na sosiegu, ku e wega sin anotashon ainda, ku hungadónan di e ekipo di Vesta, mes kier a bringa ku otro. Inkluso kapitan tambe a disidí na kita su banchi, despues di tabata den diskushon ku un kompañero di ekipo. Jimbertson Vapor (2x), Christopher ‘Papa’ Isenia i Benjamin Gil Guedez tabata e goliadónan.

Seguidamente Undeba ta di Jong Colombia 4-1. Shairyson Albertus, Adriaan Lourens i Norvianel Naar (2x) tabata esnan ku a sòru pa e golnan pa Undeba, miéntras ku e samineronan a deskontá ku outogol anotá pa Judreny Jansen.

Na final di e wega aki, por poko kosnan a bai kompletamente for di man, na momentu ku miembronan di e ekipo saminero i e rèfri di wega, Arthur Gosepa, kasi tabata den un konfrontashon.