Dj MC a bandoná Radio Krioyo i pasa pa Radio Curaçao Blue Sky FM

295
Despues di 14 aña e ta bandoná Radio krioyo.

WILLEMSTAD,—-Djaluna tras di lomba nos a bisa ku promé ku djabièrnè nos ta bai anunsiá nòmber i fam di un Dj ku ta bai bandoná e radio emisora kaminda ku e ta laborá i asina pasa forma parti di un otro radio emisora. Esaki ta loke ku nos ta bai hasi riba e dia di awe tambe.

T’asina ku for di siman pasa nos a haña e informashon ku Dj MC ku tin 14 aña ta laborá na Radio krioyo ta bai entrega karta di retiro i asina pasa forma parti di e radio ku ta keda manehá pa Armando Huerta, ta trata aki di Radio Curaçao Blue Sky FM 88.9.

‘E Mulina’, tin informashon i alabes konfirmashon ku Dj MC ta kuminsá laborá na Blue Sky den luna di desèmber, esaki ta nifiká ku poko, poko pero sigur Armando Huerta su tin ta birando kompleto. Tambe nos tin informashon di un lista ku tin ta zueif den kaya ku algun nòmber ku tambe por ta rumbo pa e radio emisora di Armando Huerta.

Ku esaki nos tin ku bisa tin algun moveshon mas ta bai tuma lugá den pitu di fin di anda. Ta bon pa doño nan di radio kuminsá na konta kabes bon. Paso tin un fenómeno nobo, i esaki ta ku trahadó nan ta lanta bai sin bisa nada, ta tende bo ta tende nan stèm ta zona aya banda. Pero manera ku nos a primintí nos a kumpli tambe, Dj MC ta bandoná Radio Krioyo despues di 14 aña,  i asina den luna di desèmber kuminsá na Radio Curaçao Blue Sky FM 88.9.