ICONS BY GIO ta na Hulanda 27 i 28 di aprel

1083
Nan ta na Hulanda 27 i 28 di aprel 2019.
WILLEMSTAD,—-No tin duda ku e informashon aki ta bai hasi tur e fanátikonan di GIO na Hulanda hopi kontentu. ‘E Mulina’,. Di informashon ku a drenta na mesa di redakshon di ‘E Mulina’, ta bisa ku otro aña den luna di aprel ICONS BY GIO ta riba e lugá pa dos presentashon ku ta dia nan 27 i 28 di aprel.

Ya ta konosí ku djasabra awor e banda ta na Aruba, kaminda ku nan lo bai ta den kombinashon ku Buleria. Di informashon ku nos a risibí direktamente for di Aruba ta bisa ku e atenshon pa ku e fiesta en kuestion aki ta hopi pero hopi haltu.

Ámbos banda tin piesa nan nobo, i tambe ámbos agrupashon musikal ta bai demostrá kiko nan tin aden. Esaki ta e promé biaha ku e dos banda nan aki ta bai topa ku otro. Tin hopi mama mentu di gai di otro entre músiko nan di ámbos agrupashon musikal.

Pero e informashon ku sigur ta bai hala bastante atenshon na Hulanda, ta e echo ku otro aña fin di aprel ICONS BY GIO ta riba e lugá, ku e front forma pa Amos Balentin, DjuDju-V, Hunneley Felicia, Steven Daniel i Ivanhoe Willems. Korda ku dia nan ta pasa masha lihé, i djis nos ta den luna di aprel 2019.