Ilan Chester a yega Kòrsou ayera tardi

205
Ayera e la yega Kòrsou, i e ta kla pa djasabra awor.
WILLEMSTAD,—-Ayera e legendario kantante Ilan Chester a yega Kòrsou den ora nan di atardi, esaki ta loke ku e organisashon Qube a primintí, i nan a sa di kumpli kuné tambe. T’asina ku algun siman tras di lomba Qube den nan rueda di prensa a bisa ku dia 28 di novèmber e kantante Ilan Cherster lo yega Kòrsou, esta dos dia promé ku su show.

Nos tin ku bisa firmemente ku e organisashon en kestion a kumpli kabalmente ku loke ku nan a primintí. Ayera durante di e rueda di prensa tur hende ku tabata presente por a mira e legendario kantante ku nan mes un wowo.

E show si Ilan Chester ta tuma lugá djasabra awor den P.W.F.C. tambe lo bai tin un show ku nos mes un artista nan lokal, ku ta riba nan preparashon den full swing pa ku e show. Paso pa nan ta un gran honor pa presentá den mes un show ku e legendario kantante Ilan Chester.