Chokoi i Encho ku presentashon na Boneiru

424
Awe e ta presentá na Boneiru.
WILLEMSTAD,—-E dos kómikonan ku sin duda a dominá gran parti di aña 2018 ku ta Chokoi i Encho, un biaha mas pa bolbe sali pa hasi presentashon pafó di Kòrsou. Nos tin informashon ku nan tin un presentashon riba e dia di awe na Boneiru.

Esaki no ta e promé biaha ku nan dos ta presentá na Boneiru, ya algun luna tras di lomba nan tabatin algun presentashon riba e lugá. Tambe nos tin informashon ku nan tin algun presentashon mas na Hulanda, den e dia nan ku ta bai drenta aki.

Pues awe Chokoi i Encho ta presentá na Boneiru, pero mañan mes nan ta bèk na Kòrsou, paso nan tin tres presentashon riba e dia di mañan. Esaki ta nifiká ku e duo ku e aña aki mas a biaha pa presentá for di Kòrsou ta bolbe hasi esaki.

No tin duda ku Chokoi ta kandidato fuerte pa loke ta trata komediante di aña 2018. Chokoi i Encho sigur por mira atras riba un super aña tras di lomba. Nan a bai Hulanda na diferente okashon i tur nan prestashon nan tabata bon bishita, pero awe nan ta na Boneiru i mañan mes nan ta bèk.