Deontay Wilder ta retené su titulo den un emoshonante empate kontra Tyson Fury

32
Fot deng: -- Deontay Wilder (R) aki ku un man fuerte na kara di Tyson Fury ku ta mand’é lona.

LOS ÁNGELES,  — Deontay Wilder a skapa  den  Staples Center ku un empate dividí kontra di Tyson Fury pa mantené su faha di kampeon, porsierto den  un pelea ku a resultá mihó di loke hopi spera i ku a keda disidí den e último rònt final dje pelea.

E karchinan na final a keda 115-111 na fabor di Wilder, 114-110 na fabor di Fury, miéntras ku e di tres a empatá 113-113.

E pelea a mantené su mes  interesante i sin definishon te kasi na final ora ku Wilder a tuma Fury pa di dos biaha ku un kombinashon di man drechi i robes di kua por a kaba ku e pelea si tabatin poko minüt mas den e di 12 rònt.

E ingles sinembargo a lanta i  terminá e rònt atakando a Wilder  ku mannan links ku hopi moveshon.

E pelea tabata un espektákulo for di prinsipio ku entrada kolorido di ámbos púgil  ku a inkluí e fanatikonan ingles kantando e kantika di Fury den koro, meskos tabatin “vürwèrk”  i un interpretashon bibu di J Rock, porsierto na unda e la drenta huntu ku Wilder.