Gregory Gonzalez a drenta studio di grabashon

318
E la drenta den studio di grabashon.

WILLEMSTAD,—-Moveshon nan ta sigui tuma lugá den  studio nan di grabashon. Nos tin informashon ku e kantante Gregory Gonzalez a drenta den studio di grabashon ku agrupashon musikal Risab. T’asina ku e kantante mes a komponé su piesa, ku ta hiba di titulo “Konfiami bo Kurason”.

Nos a haña informashon ku e piesa nobo di Gregory ta un montuno lastra, t’asina ku e piesa di Gregory lo bai ta riba merkado promé ku e di dos siman di desèmber. Mester bisa ku Gregory ta bèk den nos farándula despues di a wanta algun aña afó.

Awor ámbito di Kòmbèk ta konta ku un agrupashon musikal mas, esaki ta habri kaminda pa mas kombinashon den e ámbito di bailadores. Nos tin informashon ku no ta bai dura muchu ku Risab lo bai tin nan presentashon den nan konstelashon nobo i ku un front hopi peligroso den kualke fiesta i den kualke kombinashon.