HYPE ku un presentashon na Boneiru

135
Mañan nan ta sali pa Boneiru pa un presentashon.
WILLEMSTAD,—-Mañan ta dia ku agrupashon musikal HYPE ta sali pa Boneiru, kaminda ku nan ta bai tin un presentashon pa promé biaha na Boneiru. Di informashon ku a drenta serka di ‘E Mulina’, direktamente for di Isla di Flamingu ta bisa ku e atenshon pa e presentashon di HYPE ta hopi haltu.

E banda ta bai presentá nan kantante di mas nobo ku ta Chemsz i mas ku klaro e front ku sin duda a bin ta hasi super bon trabou den nos farándula. Tambe lo bai tei e kantante di aña general 2018 Clinton Hato. Tambe e banda ta bai kompaña algun artista.

No tin duda ku agrupashon musikal HYPE por mira atras riba un tremendo aña den nos farándula, kaminda ku e banda a pega diferente hit, i tambe nan tabatin masha hopi presentashon mes, den e di dos parti di aña 2018.

Si tur e músiko nan di HYPE keda huntu, no tin duda ku nan lo bira mas fuerte den 2019. Kòrda ku ta trata aki di músiko nan hopi yong na edat, i kada un di nan tin e interes pa hiba nan agrupashon musikal na e puesto di honor, ku ta e banda number 1 den nos farándula lokal.