Kòrá Faneite ta gana Premio Farándula 7.1 – 2018

129
Momentu ku Kòrá a risibí e premio for di man di Señor Giovanni Abath.

WILLEMSTAD,—-Ayera a tuma lugá den sala di Easter Dunasty Restaurant, Entrega di Premio Farándula 7.1 – 2018.Ta trata aki di un inisiativa di e artista 7.1 ( Giovanni Abath) ku a instituí un premio pa e persona ku tin un programa òf un página di Farándula ku ta hasi mas pa halsa i òf yuda E artista desaroyá òf di kualke forma ta aportá na halsa nivel di Farándula di Kòrsou.

Manera tabata konosí e premio mester a wòrdu entrega dia 22 novèmber, den e programa di AMAK pero pa motibunan organisatorio di e asosashon na último ora no por a ser entrega. Pero esaki a tuma lugá nèt un siman despues.

E programa tabata unu kòrtiku kaminda segun e kriterianan di e komishon pa su Kobertura di farándula na radio,televishon i korant pero tambe su sosten i empuhe na artistanan nobo den tur área di ekspreshon artístiko, Sr. Sherwin (Kora) Faneite a risibí e premio Farándula 7.1- aña 2018.E meta ta pa kada aña den e mesun temporada tin e premio Farándula 7.1. Di e forma aki  Artista 7.1 ta duna su Granito pa Huntu nos hasi e mundu Farandulero unu grandi i Dinámiko.