Tyzik “Ziko” Lispier ku otro piesa nobo riba merkado

127
For di awe su piesa nobo ta kuminsá zona na diferente radio emisora.

WILLEMSTAD,—-Despues di nan pre debut algun luna tras di lomba, e banda nobo Bello Vie a  manda nan piesa nobo kaya. E piesa ta keda kanta pa e hóben kantante Tyzik “Ziko” Lispier. Ta trata aki di un komposishon i areglo di Derrel “Titi” de Palm, titulo di e piesa ta “Kon bo kemen”.

T’asina ku mas ku tres siman tras di lomba “Ziko” a pone un piesa nobo riba merkado, pero esaki ta den un otro género musikal. Nos tin ku bisa ku, a reina un silensio grandi rondó di e banda “Bello Vie”, esaki a pone ku hopi hende a pensa ku e banda lo a pasa pa historia.

Pero ‘E Mulina’, a haña informashon ku e agrupashon musikal tabata traha hopi duru den silensio riba nan grabashon. Esaki ta pa keda tur atenshon un ratu for di nan. Nos tin ku bisa ku e táktika aki a funshoná bon, paso di bèrdat nan a haña tur libertat pa nan por a traha riba nan piesa nan nobo, paso nos tin informashon ku tin mas piesa nobo na kaminda.

Esaki ta nifiká ku awor si nos ta bai tende muchu mas tantu di e formashon musikal “Bello Vie”. Eaki sigur ta bai hasi nos farándula mas interesante, paso sigur e banda “Bello Vie” lo bai perkurá pa mas moveshon den farándula, ta trata aki di un grupo di músiko ku tabata hopi popular den pasado na Hulanda. For di awe tur hende por nan radio emisora preferí i pidi e piesa nobo di “Ziko” ku “Bello Vie”.