Adonis Stevenson su estado ta mas stabil despues di sufri nòkout

24
Fot steve: Adonis Stevenson ta keda kontrolá pa un dòkter aki despues di risibí nòkout fulminante na man di Gvozdyk.
 

 

QUEBEC,  – E bòksdó,  Adonis Stevenson,  ya no ta den estado krítiko sino mas bien estable, i ta permanesé den koma despues di pèrdè pa nòkout den un pelea dje kategoria di peso semipisa den e suidat ariba menshoná.

“E kondishon di  Adonis a pasá di un estado kritiko ayera pa estable awe (djaluna), porsierto ta relativamente un bon notisia. E la keda trankilisá ku remedinan pa fasilitá e kontròl médiko riba su rekuperashon”, asina Yvon Michel  a duna di konosé.

Tambe e la añadí: “Su famia, su kasa Simone i Groupe Yvon Michel  ta gradisí tur hende ku manda mensahe ku bon deseonan. Nos lo duna mas informashon na medida ku esakinan disponibel.  Nos lo no hasi komentarionan pa e momentunan aki mas.

E ukranes,  Oleksandr Gvozdyk, a dal e kanadiense/hatiano, Stevenson,  na di 2 minüt 49 minüt dje penúltimo rònt den e pelea  ku a tuma lugá den wikènt tras lomba.  Ganando e pelea e la keda korona ku e titulo  di Conseho Mundial di Bòkseo (CMB).

Stevenson di  41 aña a keda pone riba un stretcher despues di e pelea.  Un ambulans a trasladá e bòksdó pa  un hospital na  Quebec.