Dos morto i 12 herido na momentu ku avion ta kai na Brasil

43
Sitio unda e insidente e keda registrá.

RIO DE JANEIRO – Un total di dos persona a pèrdè nan bida i otro 12 mas a resultá heridá na momentu ku un avion chikí a aksidentá riba kaya, na e zona nort di Sao Paulo, e siudat mas grandi di Brasil.

E aparato aki a impaktá kontra algun residensia privá i vehíkulonan ku tabata stashoná na e sitio.

E dos víktimanan mortal tabata den e avion aksidentá, kua aparentemente a lanta for di e aeropuerto di Campos de Marte. E aeropuerto aki ta unda buelonan ehekutivo pa e kapital ta keda ehekutá. Esaki ademas ta situá na poko meter di unda e insidente a keda registrá.

Outoridatnan ta deskonosé, te ainda, e motibunan ku lo por a okashoná e kaida di e avion aki.

Un total di sinku persona ku a resultá heridá, a sa di keda reskatá for di e interior di e bibiendanan afektá i e otro shete nan tabata personanan kanando na e momentu ei riba e kaya di e insidente.

Tur esnan heridá a sufri dañonan leve i ningun di esaki nan no a kore rísiko di morto.

Segun algun imágen di un emisora di e pais, e kandela a keda provoká pa e impakto di e avion pero a sa di keda kontrolá den su totalidat.