Dos morto i tres herido den eksploshon registrá na Tabasco

33
Kolumna di huma ku ta bai laira na e sitio di e insidente.

CIUDAD DE MEXICO – Dos persona a pèrdè nan bida i otro dos mas a resultá heridá den e eksploshon di un lugá klandestino di kombustibel, kua a keda registrá den e munisipio di Huimanguillo, na e estado di Tabasco, na sùitost di México.

E eksploshon a keda registrá na momentu ku e personanan tabata sakando kombustibel di forma ilegal, na un sitio di e Petroleos México, den oranan di anochi lat.

E fayesementu nan a keda registrá e siguiente dia di e eksploshon, un den oranan trempan di mainta i otro den oranan di atardi.

Miéntras ku esnan heridá, totalmente kimá, a keda totalmente kimá, a keda reskatá ku bida pa abitantenan di e pueblo di e munisipio di Huimanguillo i trasladá abordo di un trùk pa un sentro médiko na e siudat di Villahermosa.

Segun bosero di e sentro médiko a indiká, e pashèntnan ta presentá kemaduranan grave diferente partinan delikado di nan kurpa i nan pronóstiko ta praktikamente deskonosí.

Na e sitio di e insidente, un vehíkulo a keda atras kompletamente kimá, ta trata aki di un trùk ku tabatin kombustibel i tabata transportá un total di kuater persona.

E abitantenan a sigurá ku na e sitio nan a skucha un total di tres eksploshon i ku mas personanan a resultá leshoná i esaki nan lo a keda atendé den e mesun lokalidat di e insidente.

Otro abitante a referí ku a intentá di ousiliá e víktimanan den e kaso aki, pero ku ya tabata demasiado lat kaba.

Entre e plantashonnan, unda e kandela a keda registrá, tabatin bastante huma. Entre esaki nan tabatin kolumnanan di huma ku a alkansá asta 30 meter di haltura.

E empresa Pemex, a informá den un boletin ku nan e suspendé e liña di operashon afektá pa un temporada.

Na e sitio di e insidente, tin un ekipo i personal di kontra kandela i di seguridat físiko i tambe elementonan di Protekshon Sivil, ku a keda akordá den e zona pa realisá e tareanan di emergensia.

Den e munisipio di Huimanguillo, konsiderá pa outoridatnan lokal komo un ‘foko kòrá’, pa presensia di gruponan di delinkuensia organisá ku ta dediká na ekstrakshon i benta i ilegal di kombustibel.