E front forma pa Gibi Doran Luwi Jano Dibo-D i Cocu por bira realidat

348
E por trese otro kambio den nos farándula.
WILLEMSTAD,—-Despues ku e front forma pa Gibi Doran,Luwo Jano, Cocu Brigitha a presentá djasabra tras di lomba den Because Entertainment Center kompaña pa agrupashon musikal Gibi i  Orkesta, mes ora e interes a subi riba mesa pa mantené tantu e front i e agrupashon musikal Gibi i Orkesta bibu den nos farándula.

Esaki ta de bi ku e banda i e front a dal asina duru den Because Entertainment Center den e kombinashon ku Doble R SSS, nos a haña informashon ku na e momentu nan aki tin un preshon hopi grandi riba Gibi Doran pa e mantené mes un konstelashon ku a presentá djasabra tras di lomba aktivo den nos farandula.

Esaki a pone ku ‘E Mulina’, a drenta den kontakto ku e legendario músiko i alabes fundadó di agrupashon musikal Gibi i Orkesta, pa asina nos tende kiko ta su pensamentu di loke ku tin ta bibando den kaya na e momentu nan aki rondó di e presentashon di Gibi i Orkesta djasabra tras di lomba.

T’asina ku Gibi a bisa nos ku “en bèrdat e banda kompletu a dal hopi duru djasabra, i naturalmente loke ku bo ta bisami di dje ta bai kaya, e lo ta algu pa pensa riba dje bèrdat, loke ku mi por bisabu ta ku nada no ta imposibel, pero duna kada kos su tempu, te aki mi por bisabu te na e momentu aki”. Nos tin ku bisa ku e konstelashon tin hopi peso i mas ku tur e banda a zona ku e kolo musikal di Gibi Doran, manera tur hende gusta ku e zonido original.