Efrem Mambi nombra komo tékniko ofisial di IBG

220
Su strea ta hopi haltu na e momentu nan aki.

WILLEMSTAD,—-Wikènt tras di lomba ‘E Mulina’, tabata na Aruba kaminda ku nos a presensia debut di agrupashon musikal ICONS BY GIO, esaki tabata den kombinashon ku Buleria.

T’asina ku djasabra anochi promé ku e fiesta nos a topa ku e hóben talentoso Efrem Mambi, nos tabata na altura ku e la bai Aruba pa forma parti di e tim di ICONS, esaki a duna nos mes ora e oportunidat pa hasi un entrevista ku Efrem Manbi, paso nos tin informashon ku tin un negoshashon tumando lugá entre su persona i Verney Jansen, i esaki a resultá di ta bèrdat tambe.

T’asina ku Efrem mes a bisa nos durante di e entrevista ku algun luna tras di lomba e la keda aserka pa Verney pa asina  e pasa forma parti di agrupashon musikal ICONS BY GIO pa loke ta trata nan tékniko prinsipal, e mes a bisa nos ku mes ora e la aseptá e reto. Pues pa tur duda rondó di ke. Lo ta e tékniko di e banda nobo I.B.G.

Esaki ta Efrem Mambi. Nos tin hopi sigur ku e informashon aki ta bai bira tópiko di kombersashon riba e promé djaluna di luna di desèmber. Pa loke ta trata e fiesta di djasabra tras di lomba kaminda ku ICONS BY GIO a presentá, Efrem Mambi no hasi e trabou komo tékniko, mas bien e tabata para na banda ta opservá tur kos ku tabata pasa durante di presentashon di ICONS. Esaki sin duda ta un super bon zèt di parti kabesante nan di e banda ICONS, paso Efrem Mambi tin un futuro briante su dilanti, mas ku tur kos e ta tuma su trabou hopi na serio.