MFK ta habri su sede nobo awe

439

Willemstad,– Partido MFK ku su lider Gerrit Schotte kende ta den un lucha ku hustisia aki na Kòrsou, entretantu lo muda awe pa nan edifisio nobo ku ta keda den e mesun kaya esta Lindbergweg. E sede nobo ta keda skùin dilanti e sede bien i ta un edifisio di hopi mas mihó estado ku esun bieu. Den kombersashon ku Vigilante tabatin ku e lider di MFK, señor Gerrit Schotte, el a splika nos ku tin diferente motibu ku a pone ku nan mester a bai den un edifisio nobo. Entre otro sigur pa loke ta e asuntunan tékniko di entre otro koriente. El a splika ku e edifisio nobo ta hopi mas ideal i ta kumpli hopi mas mihó pa ta un ofisina pa un partido manera MFK, Schotte a bisa ku nan ta hopi agresido di por a keda 8 aña i algu den e edifisio kaminda ku nan tabata te ku djabièrnè último i pa no konfundí e siguidó nan di MFK ku a kustumbrá kaba den e área aki, e partido a opta pa buska un edifisio den e mesun kaya i kual awe lo keda inougurá. Pues segun Gerrit Schotte ta djis krusa kaya i bo ta haña e sede nobo ku tur su fasilidatnan i hopi mas bunita ku esun anterior.