Mundu di futbòl no ta komprondé e ousensia di Messi den Bala di Oro

28
Fot leo: Lionel Messi di un forma sorpresivo no tabata den e tresnan mihó di mundu. Niun no por komprondé esaki.
 

 

ZURICH,  –  Bala di Oro lo biba un insolito episodio pa loke ta e último añanan di kua ta nifiká e  fin (momentaniamente) dje  reinado di Lionel Messi i Cristiano Ronaldo. Luka Modric ta esun ku lo ganá e premio i di kua pa hopi ta un sorpresá pa loke ta e ousensia di Messi riba e podium.

“Mi  a keda sorprendé manera tur hende”, esei tabata e palabranan di   Valverde promé ku enkuentro kontra di   Villarreal.

E mensahe dje mister tabata importante.

“Paso porehempel Messi ta esun mihó den e promé,  di dos i den e sinku hornada di Champions. Pero no ta nos ta disidí, ta  UEFA a disidí. I ta den tres òf di kuater e mester a hunga malu, ami no sa òf ta leshoná e tabata”, asina Valverde a terminá bisando.

Tambe eks bondscoach di Spaña Del Bosque a mustra un poko no di akuerdo ku e resultado dje premio.

“Ami no ta drenta masha den asuntu di Bala di Oro, mi ta un deskreido. Ta strañami masha hopi mes ku Messi no tabata un dje kandidatonan, ami no por  komprondé e kos aki”.

Jorge Valdano eks internashonal di selekshon i direktiva di Real Madrid di su banda tambe a sigurá  resientemente na  “El Transistor di Onda Cero” ku Messi ta sigui ta e mihó  mundu”, aunke e den mesun rosea e ta enfatisá ku Modric ta meresé di ganá e premio e biaha aki.