Problema di zonido ta keda pèrsigui ICONS BY GIO

548
Tenshon durante di fiesta djasabra tras di lomba último.
WILLEMSTAD,—-Loke ku a pasa ku e banda ICONS BY GIO djasabra tres di novèmber den W.T.C. a bolbe ripití djasabra mardugá 2 di desèmber, pero e biaha aki esaki a sosodé na Aruba, kaminda ku e agrupashon musikal ariba menshoná a presentá den kombinashon ku Buleria, esaki a tuma lugá den Marriott Ballroon Aruba.

T’asina e banda di Kòrsou ta esun nan ku a habri e anochi, esaki a sosodé den kareda di mitar di 1 di mardugá, nan promé set a bai den gran forma e agrupashon musikal a zona hopi bestial, despues di nan tabatin ambiente di un Dj, pa despues tabata turno pa e banda di Aruba ku ta Buleria presentá, aki tabatin un tardansa ku a duru mas ku 35 minüt promé ku e banda Buleria por a presentá.

Pero na momentu ku Buleria a kuminsá toka na a sa di pone un ambiente riba un nivel hopi haltu. Despues ku Buleria a kaba di presentá tabata turno pa ICONS BY GIO presentá nan di dos set, mester bisa ku for di e promé piesa di e di dos set te na e último piesa e agrupashon musikal a haña nan konfrontá ku problema ku nan zonido, ningun hende no por a komprendé kiko ta pasando, paso mes un kos a pasa ku e banda na Kòrsou tambe den nan debut, nos tin ku bisa ku Sesenta a hasi tur loke ku tabata na su banda pa asina laga e agrupashon musikal zona limpi manera ku e la hasi den e promé set, pero esaki no a resultá.

Nos tin ku bisa ku e parti zonido a daña tur e presentashon di ICONS BY GIO, paso e músiko nan a bai Aruba pa duna mas mihó di nan parti, pero manera ku e parti di zonido ta un mala suèltu den kaminda di e agrupashon musikal ICONS BY GIO. Esaki sin duda ta algun ku gerente nan di e banda mester bai traha riba dje mas pronto ku ta posibel.