7 aña pa banda kriminal di Audi ku tabata eksplotá bankomátikonan

32
polis a publiká imagenan di e banda Audi den akshon
UTRECHT—5 hòmber ku den 2017 tabata eksplotá bankomatikonan a keda sentensia den korte.

E sospechoso prinsipal di 29 aña di Utrecht a haña 7 aña pa envolvimentu den atrakonan ku eksplosivo. Tur 5 sospechoso tabata envolví den un of mas atrako riba bankomatiko na Westfalen djis pega ku frontera ku Alemania. Den algun kaso a logra bai ku sumanan kuantioso. E banda a bira konosí komo banda di Audi pasobra nan tabata kore den Audi pa bai bek riba velosidat haltu Hulanda. Despues di un atrako den ougustus aña pasa a detená dos sospechoso di Utrect (26 i 29). Tur dos tabatin un chaleko antibala. Den e outo a haña prueba Dna ku a hiba na e otro sospechosonan. A base di testigunan, telecom i datos forensiko por a determiná ku e 5 hòmbernan di Utrecht ta responsabel pa e atrakonan ku eksplosivo riba bankomatikonan. Semper nan a ninga e akusashonnan. Ningun di nan kier karga responsabilidat segun korte den un komunikado. E dos sospechosonan prinsipal a keda sentensia tambe pa partisipashon na un organisashon kriminal. Pues e kastigunan a keda reparti di siguiente manera: 7, 5, 3 aña kastigu.