Bizou Entertainment a debutá ku bon pia den nos farándula

34
Nan a debutá djabièrnè tras di lomba den The Perfect Lading

WILLEMSTAD,—-Djabièrnè tras di lomba e entertainment band nobo “Bizou” a hasi nan debut den nos farándula lokal. Nan debut a tuma lugá den The Perfect Lading kaminda ku nan tin nan tradishon di tur djabièrnè.

Ta trata aki di e formashon musikal forma pa tres kantante ku ta dos dama i un kabayero. E tres kantante nan ta Jamal Adriana, Heidi Angelista i Chrystaline Corasol. Riba piano nan tin Nadienne Martina ku ta tambe direktor musikal, riba bas Etienne Sampson i riba drùmer nan tin Terence Paneflck.

Di informashon ku nos a haña di persona nan ku tabata presente na The Perfect Lading, a bisa ‘E Mulina’, ku Bizou a laga un bon impreshon atras, nan tin un variashon musikal amplio, i tambe loke ku ta hopi importante, nan ta toka tur género musikal. Esaki ta loke ku un baidó di fiesta ta gusta masha hopi mes. Un pabien ta bai na músiko nan di Bizou i tambe gerente di The Perfect Lading ku nan tradishon nobo riba tur djabièrnè.