GET HYPE a dal hopi duru na Boneiru

30
Nan a dal hopi duru djasabra tras di lomba na Boneiru.
WILLEMSTAD,—-Djasabra tras di lomba pa promé biaha agrupashon musikal GET HYPE, a presentá na Boneiru. Di informashon ku a drenta na nos mesa di redakshon direktamente for di Boneiru, ta bisa ku e banda ku tin e piesa i kantante di aña 2018 a dal hopi duru riba e lugá.

Tambe nos tin informashon ku ya tin algun promotor ta kana ku e idea pa bolbe hiba e banda Boneiru. Ya na algun okashon nos a bin ta bisa ku e agrupashon musikal GET HYPE, por mira atras riba un super tremendo aña tras di lomba.

T’asina ku e bon aña di e banda ariba menshoná, a pone ku gerente di e banda a hasi un bon zèt di trese un kantante nobo den e banda, ta trata aki di e eks di agrupashon musikal Orkesta Vega Chemsz, e kantante aki tambe a pega un hit grandi, ta trata aki di e piesa “Pidi Pa bo”, esaki ta nifiká ku awor e front di GET HYPE ta bai bira aun mas peligroso.

Pa loke ta trata nan presentashon di djasabra tras di lomba, agrupashon musikal HYPE sin duda a stèmpel nan nòmber bon den Boneiru su farándula. Nos por bisa ku ta bon komentario so a keda tras, i esaki sin duda ta kuminda pa tur e músiko nan di e banda i tambe mas ku klaro pa gerente di e agrupashon musikal HYPE.