Kriminalnan ta buska alumnonan pa entregá pakete

36
servisio di opsporing ta kontrolá un lab di droga
GELDERLAND—Alumnonan ta keda aserka riba gran eskala pa hasi trabounan pa kriminalnan di droga segun burgemeester di munisipio Westervoort.

Segun burgemeester Van Hout e trabou di entrega paketenan di plaka/droga ta genera muchu mas plaka ku trabounan di parti korant of yena rèki. Van Hout ta presidente di e grupo Samen Weerbaar ku ta konsistí di munisipio, polis, OM i Belasting. Van Hout ta bisa ku rekrutamentu di alumnonan ta mas ku un insidente i ta hopi serio. E ta haña señalnan di polis, OM, dosentenan I alumnonan ku e fenoeno ta tuma lugá na hopi skolnan. Alumnonan lo ta kana ku pakinan di plaka i skolnan ta bira nan kara, ku miedu pa haña mal nòmber. E stuurgroep ta bisa ku kriminalnan di droga ta purba infiltrá den klasnan di kimika. Segun burgemeester e studiantenan ta haña petishon pa drai pildoranan den laobratorio di droga. no ta konosi ku ki frekuensia ta aserka e studiantenan. E grupo di interes ta bai traha informashon pa mustra studiantenan riba e peligernan. Mas aleu ta bini un kampaña pa atvertí komersiantenan pa aktividatnan sospechoso. Komersiantenan mester ta mas alerta ora ta hur nan edifisionan.