Manchester City i PSG por keda ekspulsá for di Champions League despues di investigashon di “Football Leaks”

49
Fot josep: UEFA ta investigando e kuentanan dje ekipo ingles Manchester City paso nan ta keda sospecha ku nan a kometé un violashon dje normanan di 'Fair Play' finansiero.
 

 

ZURICH,  – E ekipo di Manchester  City tin un problema basta kompliká.  UEFA ta bezig ta investigando pa loke ta e kuentanan dje ekipo ingles paso ta keda sospecha ku nan a kometé un violashon dje normanan di ‘Fair Play’ finansiero,  i e organismo ku ta keda presidí pa  Aleksander Ceferin ta dispuesto pa yega te na final di e asuntu.

Segun e propio máksimo dirigente di UEFA e desishon tokante di e asuntu aki ku ta halando atenshon rònt  mundu “pronto tur kos lo bai  sali na kla”, i lo por krea un ekspulshon di  City den e próksimo edishon di Champions League.

Den un edishon publiká djamars pa  ‘The Guardian’ i ‘Sky Sports’ ta eksistí e posibilidat grandi ku e ekipo di Manchester City no ta den máksimo kompetishon di Europa otro aña.

Un luna pasá ‘Football Leaks’ a saka poko puitu for di makutu ku e tema ariba menshoná  akusando e ekipo ku su manager, Pep Guardiola, di a kamuflá ingresonan di patrosinio, loke ta inkumpli klaramente ku e normanan  imponé pa UEFA. Despues  di akinan tur kos por pasá i e desishon no bai tarda masha hopi mas pa bai kai.

Na 2014 e ekipo di Manchester City ya tabata envolví den un insidente paresido i na unda e la haña un but di 50 mion euro pa evitá un  violashon di e normanan finansiero aki.

Nan a hasi esaki pa evitá dañonan mayor, ku e dia di awe ta bolbe aparesé na horizonte.

Football Leaks manera nos a publiká ariba luna pasá a revelá movementunan ilegal ku a tuma  lugá pa e ekiponan di  París Saint Germain i Manchester City, pa asina tabata por a skapa di e  Fair Play finansiero.

E dokumentunan ku a keda publiká pa Medaipart ta konkluyente i a desvelá e finasiashon ilegal di ámbos ekipo di kua a keda aksede na nan danki pa e protekshon di  Gianni Infantino di kua ta e presidente aktual di FIFA, aunke na e momentu ku e la hasi tal kos e tabata  sekretario general di UEFA i Michael Platini komo e presidente dje  organisashon europeo.

Segun sospecho tabatin negosashon ilegal dje fórmulanan pa sortia normativonan di  Fair Play finansiero ku reunionnan den sekretu.

PSG di su banda a emití un komunikado inmediatamente despues ku  Mediapart a publiká e resultadonan di  su investigashon despues di analisá dokumentonan di Football Leaks.

E ekipo franses ta ninga rotundamente  ku nan a risibí algun fabor  di parti UEFA pa benefisianan di  akusashonnan  pa no kumpli ku Fair Play finansiero.