Marilyn Moses: Gobièrnu mester kòrda historia: Parlamento ta skohe pa pueblo i gobièrnu no

92
Segun parlamentario Marilyn Moses Gobièrnu te ainda no a ni bisa parlamento ta kua di e leinan kier bini ku apoderashon riba dje.
Willemstad,– Señora Moses ta bisa ku Parlamentu ta skohe pa pueblo i gobièrnu no, i ta p’esei ta parlamento ta kontrolá gobièrnu.

E ta sigui bisa ku no ta eksistí un lei di apoderashon den un forma positivo. Bo ta minando demokrasia. “Bo ta bisa pueblo sera bo boka, nos ta sigui kana:, asina señora Moses.

E ta bisa ku hamas e lo por akseptá e kos aki i ku Movemento Progresivo ta para kontra di esaki paso e ta para pa demokrasia. Señor Gijsbertha a bisa e kos aki pero dia 29 di novèmber señor Cordoba a trese dilanti ku nos ta atendiendo ku e lei di apoderashon aki i a bisa ku no ta bèrdat

Kon por ta ku promé minister ta bisa ku nos ta bezig ku lei di urgensia i no lei di apoderashon, siendo lei di urgensia tambe ta meskos, asina Moses ta bisa.

Gobièrnu te ainda no a ni bisa parlamento ta kua di e leinan kier bini ku apoderashon riba dje. “Nan no a informá parlamento nada i ta den media parlamento mester a skucha e kos aki.

E mesun argumentunan ku tempu di gabinete Purier nan ta usando awor aki, pero awor aki ta un otro un pueblo tin.

Ba traha 1 aña i mei sin por logra loke bo a kampaña kuné. For di ora nan a sinta nan tabatin na strategianan pa nan a bini kuné, pero e kos aki ta bai dal nan duru, meskos ku tabata e kaso ku Purier. E tempu ei nan mester a drenta Forti ku helikòpter i ta bon pa nan kòrda historia”. Moses ta bisa ku  kier sa si a splika pueblo durante kampaña ku ta e kos aki nan ta bai hasi.

Moses ta bisa ku e parlamentarionan ku ta sostené e aktual gobièrnu no tin eksperensha i nan ta tuma konseho serka gobièrnu pa bin sinta vosifera esaki den parlamento. E ta bisa ku e sistema di e aktual gobièrnu ta un sistema diktadura.