“Oh Mama bo ta haña kastigu” den Zona Kultural

20
Djasabra awor ta nan último funshon den Zona Kultural.

WILLEMSTAD,—-Djasabra awor ta bo último chèns pa wak e obra “Oh Mama bo ta haña kastigu”. Esaki ta bai tuma lugá den Zona Kultural, ántes Teater Luna Blou, e funshon ta kuminsá 8 or palu, palu.

Si tin un obra ku a dal hopi duru tantu na Kòrsou komo na Hulanda ta e obra titulá “Oh Mama bo ta haña Kastigu” skibí dirigí pa Vader Volk i Oompie Stroopie. Tur ku a wak e tantu na Kòrsou komo Hulanda a keda gaba so kon bon e tabata.

Pa loke ta trata e obra ariba menshoná, nos a keda informá ku di bèrdat esaki ta e último presentashon di e obra, tambe nos tin informashon ku ya e dou forma pa Vader Volk i Oompie Stroopie a kuminsá traha kaba pa otro obra nobo, ku nan tin na kaminda den 2019.

Karchinan ta kosta na balor di 35florin i ta optenibel na Mensings Caminda i Yankee Donuts na St- Maria. Wak pa bo tin bo karchi den bo man, paso di bèrdat djasabra awor ta e último presentashon di e obra “Oh Mama bo ta haña Kastigu”. Kòrda ku esaki ta tuma lugá den Zona Kultural ántes Teater Luna Blou.