Opositornan ta pidi komunidat internashonal pa no legitimá Maduro

73
Nicolas Maduro, presidente venezolano.
CARACAS – Opositornan venezolano a yama e unidat pa ninga legitimashon di e presidente Nicolas Maduro i a pidi Spaña i e komunidat internashonal pa no rekonosé e gobièrnu pa un mandato nobo desde 10 di yanüari próksimo.

Na Madrid, e eks alkalde di Caracas, Antonio Ledezma, Antonieta Mendoza, mama di e opositor detené Leopoldo Lopez i a aktivista di derechinan humano Lorent Saleh, a intervení den e seminario ‘Grandes desafios de Iberoamérica’. Ta trata aki di un Fundashon Internashonal pa Libertat, ku ta keda presidí pa e eskritor Mario Vargas Llosa.

Ledezma, ku ta konsiderá su mes alkalde legítimo, a indiká ku Venezuela ta un estado sin separashon di podernan, unda tin un diktadura den man di un grupo organisá, ku kua segun e, ta vinkulá ku narkotráfiko i terorismo.

Esaki a insistí ku e preshon internashonal pa promové e situashon venezolano i forma un gobièrnu di transishon demokrátiko ku elekshonnan soberano, pa motibu ku opositornan ta prepará, ku akshon konhunto den i for di e pais.

Esaki nan a sigui indiká ku Maduro no tin legitimidat di orígen i tampoko di ofisio pa froude elektoral i no ta presentá kuentanan na Parlamento legítimo. Ademas esaki ta keda responsabel di krímennan kontra humanidat.

Ledezma a pidi Spaña pa apoy’é, meskos ku Fransia i Alemania. Esaki den e investigashon di Korte Penal Internashonal relashoná ku supuesto krímennan di outoridatnan venezolano.
El a invoká forsanan armá, no pa nan realisá un gòlpi di estado, sino pa duna un man na e pueblo venezolano.
Antonieta Mendoza di su banda, a lesa un mensahe di su yu hòmber, kende ta kumpliendo un kastigu di 14 aña pa supuestamente instigá aktonan violento den manifestashon. Lopez a sigurá ku el a keda kondená inhustamente paso el a denunsiá diktadura, protesta i pidi un kambio di régimen.
Relashoná ku e krísis di e pais, a enfatisá ku esaki ta unu sistemátiko, pues un emergensia sosial.