Pastor ta asesiná hòmber ku arma di kandela

45

SANTO DOMINGO – Un pastor di un iglesia a tira i provoká morto di un hòmber pa motibu di un supuesto debe, den oranan di ayera mainta. Esaki den un kaso registrá na e provinsia di San José Ocoa, na Repúblika Dominikana.

E víktima a keda identifiká komo Jhonny Leini Liriano, mihó konosí komo Pinocho. Esaki a risibí un total di tres herida di bala miéntras e tabata den e parke di e sektor pueblo abajo, di e provinsia ariba menshoná.

Segun medionan di komunikashon di e pais, e víktima aparentemente lo a krea un debe na momentu ku e tabata biba na Estádos Unídos. Esun responsabel den e kaso ya a logra keda detené miéntras e investigashonnan den e kaso ta kontinuá.