‘Pito’ Roosje a pasa den O.O. pero no por a hunga pa Centro Dominguitu

128
'Pito' Roosje.
WILLEMSTAD—Tabata djasabra último ku FFK a hasi publikashon di e traspaso di Shurwendell ‘Pito’ Roosje, di Vesta pa Centro Dominguitu, den un Órgano Ofisial adishonal.

E publikashon aki, tabata despues ku ya tradishonalmente esun di tur djabièrnè a keda publiká tambe djabièrnè último.

E publikashon di djasabra, tabata pa asina ‘Pito’ Roosje, lo por a mira akshon ayera, ora Centro Dominguitu a enfrentá Victory Boys.

Miéntras tantu despues di a reuní ayera, direktiva di Vesta, den un karta firmá pa nan presidente Erick Lourens, a pidi FFK pa konsiderá un ke otro nulo, debí ku ningun miembro di direktiva di Vesta, no a firma e traspaso. Un kopia di e karta aki tambe a bai pa e ekipo di Centro Dominguitu, ku a honra e petishon.