Segun testigunan sospechoso tiroteo tabata bisti na Zwarte Piet

37
polis hasiendo investigashon na Utrecht
UTRECHT—Polis na Utrecht ta buskando un sospechoso di e tiroteo kaminda segun testigunan posiblemente e tabata disfrasá na Zwarte Piet.

E tiroteo a tuma lugá den Rietstraat den bario di Ondiep. Segun habitantenan e víktima tabataden un outo ora a lòs tirunan riba dje. El a keda heridá na sub rasa. Un habitante a bisa RTV Utrecht ku diripente e víktima tabata dilanti su porta. Su brasa tabata na sanger i a pidi pa yama polis. El a konta polis ku un vehikulo a para banda su outo pa despues un hende bisti na Zwarte Piet a habri porta pa los tirunan. Seguidamente el a ranka bai. Segun polis tabata trata di un vehikulo Volkswagen Transporter, ku a haña despues den Schutstraat. Polis a konfiská esaki pa mas investigashon. Tabatin un helikopter di polis ku a bula riba e area pa lagun ora den búskeda di e sospechoso. Ainda detenshon no a kai.