Si bo no paga no bini Skol ta kobra 50 florin pa selebrashon di Pasku

288
Willemstad,– A para bira awor ku skolnan ta hasi negoshi ku selebrashon di Pasku ets. Informashonnan ku Vigilante ta disponé di dje ta indiká ku tin un skol den área di Bieshuevel ku ta kobrando e muchanan 50 florin pa selebrashon di Pasku i kual nan mester a paga ayera.

Esaki no ta e problema mayor, sino e problema mas grandi ta e echo ku ta bisa e muchanan ku pa si nan no paga pa mas tarda ayera, nan no bini e selebrashon di Pasku mes. Esaki ta algu apsurdo i mayornan a aserká vigilante pa splika e kaso i puntra kon por ta posibel ku ta bisa e mucha ku no paga, pa e no bini mes. Mayornan ta pidi minister di enseñansa pa den futuro tene kuenta ku e tipo di aktonan aki di sierto skolnan, paso si tin mayor ku tin tres yu na skol, ta 150 florin e mester paga dia 3 di desèmber, kual e mayornan ta konsiderá komo algu inhustu.