The Trader Party Service ta bai bandoná WTC despues di 30 aña

57
Nan ta bai for di W.T.C. despues di 30 aña.

WILLEMSTAD,—-No tin ku e negoshi ku ta mas popular den W.T.C. ta karga di nòmber “The Trader Party Service”. Di informashon ku a drenta na mesa di redakshon di ;E Mulina’, ta bisa ku despues di 30 aña “The Trader Party Service” ta bai bandoná W.T.C.

30 aña largu nan a sa di duna un bida yena ku alegria den e sitio ariba menshoná. E sitio aki ta tistigu di masha hopi moveshon mes ku a tuma lugá, i esaki nan ta konta den tur ángulo ku por tin. Tantu den farándula, empresa nan priva i formashon nan di diferente Gobièrnu di nos Pais.

T’asina ku for di tres di novèmber ku tabatin un fiesta grandi a tuma lugá, ‘E Mulina’, a kuminsá mira e tende di algun moveshon nan ku no tabata kuadra na e momentu en kuestion. E promé moveshon straño ku nos a tuma nota di dje, ta e echo ku dia tres di novèmber kaminda ku tabatin debut di agrupashon musikal ICONS BY GIO “The Trader Party Service” no tabatin e bar manera tur hende a kustumá di dje.

Esaki a hala nos atenshon mas hopi mes, i mes ora no s a kuminsá hasi nos investigashon nan. T’asina ku ‘E Mulina’, a haña diferente pida, pida informashon di kos nan ku ta pasando den W.T.C. prinsipalmente ròndu di “The Trader Party Service”. Nos no por bai den masha detaye, paso ainda tin algun kos ku mester bai pasa, i si nos saka e informashon nan aki afó, esaki por trese algun mal kontentu kuné. Pero di informashon 100% ku nos ta disponé di dje, ta bisa ku pronto “The Trader Party Servive” ta bai bandoná W.T.C.