6 migrante den konteiner di tire

29
e konteiner den kua a haña 6 migrante
VENLO—Polis i brantwer aleman a saka 6 ilegal for di un konteiner riba un tereno industrial hulandes-aleman na Venlo ayera nochi.

Ta trata di hòmbernan afgano. Polis a bini den akshon despues di un tep di un trahadó di un kompania di transporte ku a tende bosnan den e konteiner. E ilegalnan a skonde tras di un karga di tire. Nan a keda transportá pa hospital pa un eksamen médiko. Despues nan lo bai warda polis pa interogashon. E konteiner a bini huntu ku otro konteinernan den un trein di karga for di Turkia. Polis a kontrolá tur konteiner pa seguridat pero no a haña mas ilegal. Tambe a pidi asistensia di un helicopter di polis pa kontrolá si tabatin otro migrantenan ku por a hui. For di e tereno industrial Venlo-Nettetal-Tegelen e konteinernan ku truknan lo sigui nan ruta.