Awe seri final ta kuminsá The Fighters kontra Nos Goso

38
Sevilla ‘Chia’ Martina lo ta e picher estelar pa The Fighters den e seri final kontra Nos Gosa.
Willemstad,– Despues ku e ekipo di The Fighters a logra eliminá e ekipo di Treasure den un wega pèrta ku skor di 8 pa 7, awor nos ta bai haña e seri final.

E seri final mihó di tres lo kuminsá awe nochi 8’or na Frank Curiel Ballpark kaminda e ekipo di NOS GOSA ku tin basta ratu kaba ta sinta warda, lo enfrentá The Fighters.The Fighters ta bini di un seri fuerte ku a bai tres wega kontra di Treasure ku tabata faborito, miéntras ku Nos Gosa tin mas ku dos siman ta warda su kontrinkante.

The Fighters a laga sa ku nan ta bini pa para e ròl di Nos Goso miéntras ku e fuerte ekipo di Nos Gosa a bisa ku nan ta bini pa sigui ku nan goso. Pues wak pa bo ta trempan awe nochi 8’or na Frank Curiel Ballpark.