Bario di Dominguitu pidiendo “Ousilio”

124
Loke mester ta e tereno di bala den bario di Dominguitu.
WILLEMSTAD—“Esaki no ta mondi, ni landfill, pero ku duele na mi kurason mi tin ku bisa ku ta vèlt di Centro Dominguito.

Pa mas ku 20 aña kaba e vèlt aki, ta pará i ta keda yena ku yerba. Hopi promesa i speransa falsu a wòrdu kreá pa ku e vèlt. Na luna di òktober di aña 2016, CDM a pas’é over pa e ekipo di futbòl, Centro Dominguito bira esun ku ofisialmente ta enkargá ku e tereno.

Kier men úniko kos ku falta, ta pa drecha e tereno. Diferente Gobièrnu a pasa i te awe nada.
‘Please’, hinka esaki den presupuesto di aña 2019, komo un  prioridat. E tereno aki aksesibel, lo kita hopi mucha di Dominguito, Koraal Specht i bisindario for di kaya. Pues por fabor drecha nos tereno”, tabata palabranan di un habitante di e bario di Dominguitu, kende tambe ta fiel fanátiko di e ekipo di Centro Dominguitu i a sali dilanti ku e petishon nan nòmber di e organisashon di su bario.