Diskushon formal entre Nicole Martina i Verney Jansen

428
E la para hopi duru dilanti Verny na Aruba djasabra tras di lomba.

WILLEMSTAD,—-Djasabra tras di lomba agrupashon musikal ICONS BY GIO a hasi nan debut na  Aruba, esaki tabata den kombinashon ku agrupashon musikal Buleria. Pero no ta tur kos a kana nechi manera mester ta.

Di informashon ku nos a risibí na momentu ku nos mes tabata na Aruba, ta bisa ku den ora nan di atardi bai kue anochi, tabatin un diskushon formal entre Manager di Buleria ku ta Nicole Martina i un di e gerente nan di agrupashon musikal ICONS BY GIO ku ta Verney Jansen.

E diskushon a bai rondó di pañanan di kantante nan di ICONS, di informashon ku nos ta disponé di dje ta bisa ku, e pañanan di artista nan a muha, esaki a pone ku Verney a bai reklamá Nicole pa nan para responsabel di e pañanan.

For di nos fuente nos a komprendé ku e reklamo di Verney Jansen no a kai den bon tera serka Nicole ku ta Manager di Bularia. No ta un sekreto ku Nicole ta un dama ku ta keda rekonosé na Aruba komo un dama hopi fuerte na karakter, esaki a pone ku mes ora e la pone Verney na su lugá, i ku nan no ta para responsabel pa loke ku a pasa riba avion ku pañanan di ningun artista.

Loke ku tambe a hala hopi hende su atenshon ta e echo ku, despues di e debut di ICONS BY GIO dia tres di novèmber tras di lomba, a sali ku e dos ruman nan di Verney a bisa ku Verney Jansen ta wanta  pa ku e agrupashon musikal ICONS BY GIO, esaki tabata pa motibu di su salu, pero tòg ketu bai ta mira presensia di Verney Jansen na delaster un aktividat kaminda ku e banda ta presentá. Kiko hende mester pensa e ora ei, ku ta un wega tin ta hungando rondó di salu di Verney Jansen.