Forsa Dos ERA 29 desèmber den Because Entertainment Center

99
Nan ta bai topa ku ERA dia 29 di desèmber den Because Entertainment Center.

WILLEMSTAD,—-Djasabra 29 di desèmber lo bai tin un fiesta, ku sin duda lo bai marka historia den nos farándula lokal. T’asina ku riba e fecha ariba menshoná lo bai tin e kombinashon forma entre agrupashon musikal Zudup Hopi Forsa i E Rei nan di ambiente ku ta E.R.A. Outéntiko.

E fiesta en kuestion ta bai tuma lugá den Because Entertainment Center, esaki no ta kualke fiesta, pero un fiesta ku sigur ta bai hasi historia, mirando ku esaki ta bai tuma lugá dos dia promé ku aña 2018 yega na su parti final.

Pa loke ta trata agrupashon musikal Zudup Hopi Forsa nan a sera aña 2018, komo agrupashon musikal number 1 den ámbito di Kòmbèk, tambe nan a kaba di pone nan CD nobo riba merkado. Nos tin ku bisa ku kada un piesa ta propio komposishon.

Pues si bo ta amante di Kòmbèk, i tambe tur otro género di músika, bo no mag di pèrdè e fiesta di 29 di desèmber, kòrda ku esaki ta tuma lugá den Because Entertainment Center. Kaminda ku lo bai tin e kombinashon forma pa e banda ku den kua kombinashon ku nan ta den nan ta klaba anto ku klabu di Kòrsou. Ta trata aki di e Rei nan di ambiente ku ta E.R.A.