Grupo Extra no por presentá na Kòrsou 26 di desèmber

267
Tur kos ta mustra ku nan no por presentá na Kòrsou 26 di desèmber.

WILLEMSTAD,—-E informashon aki sin duda ta bai bira tópiko di notisia riba e dia di awe. T’asina ku nos a tuma nota ku dia 26 di un fiesta Konsierto, kaminda ku e popular kantante yu di Kòrsou Ephrem J ta presentá den W.T.C.

Tambe nos a tuma nota ku Gruou Extra lo presentá riba mes un anochi den kombinashon ku Epfrem J. ‘E Mulina’, ta na altura ku algun siman tras di lomba a sali un komunikado, kaminda ku ta para ku di 1 di desèmber te ku despues di temporada di Karnaval ningun banda i òf artista ku no ta yu di Kòrsou no por presentá riba nos Isla.

Esaki a pone mes ora ku nos a drenta den kontakto ku señor Manfred “Feko” Gomez ku ta presidente di A.M.A.K. i nos a piso di e informashon ku nos tin rondó di presentashon di Grupo Extra na Kòrsou dia 26 di desèmber. T’asina ku “Feko” a bisa nos ku di ningun manera Grupo Extra no por presentá na Kòrsou den e temporada aki, e organisashon i off promotor nan ku ta bin ku e grupo en kuestion no ta bai haña pèrmit pa esaki.

Tambe nos a drenta den kontakto ku un otro persona ku ta hopi konosí den mundu di farándula, i e tambe a bisa ‘E Mulina’, mes un kos. I esaki ta ku Grupo Extra no por presentá na Kòrsou dia 26 di desèmber, tambe nos a keda pone na altura ku tantu e promotor i e organisashon tras di e fiesta sa bon, bon ku nan no por bin ku Grupo Extra Kòrsou den e temporada aki, pero tòg den nan forma nan ta purba di hasi esaki. I tambe purba na pasa riba e Lei ku tin pone riba mesa.