‘Hands of Fame Award’ na nos atletanan di MLB

90
Bunita rekuerdo pa nos peloteronan.
WILLEMSTAD—Djasabra último durante di e kulminashon di “Curacao Baseball Week 2018”, ‘Storyline Productions’ a otorgá na 6 di Kòrsou su atletanan ku ta sobresaliendo den MLB un rekonosementu pa nan bunita trabou.

‘Storyline Productions’ ta un kompania ku ta spesialisá den traha obranan di arte. Durante di e evento aki, ‘Storyline Production’, a traha man di entre otro Yurendell de Caster, Ozzie Albies, Andrelton Simmons, ‘Didi’ Gregorius, Jonathan Schoop i ‘Wecho’ Schoop. Aña pasá ‘Storyline’ a traha i entregá mesora e ‘Award’ na Hensley Meulens i Jurickson Profar. E aña aki a toka turno na e 6 nan ariba menshoná.

Direktora di Storylina Production Joelissa Bernardina Martina a splika ku e la kuminsá ku e produkshon di réplika di man di piedra durante di su trabou komo enfermera. E tabata hasi esaki komo hòbi i un dia e la traha man di un mucha ku a sa di kousa un impakto grandi na Kòrsou ku ta e hóben Justin Penzo q.e.p.d. i a entregá esaki na e famianan komo rekuerdo.

E echo aki a trese un alegria enorme pa e famia. Joelissa na e momento ei a tuma e desishon di bai duna homenage na tur hende ku di un òf otro forma a hasi algu grandi pa Kòrsou, ku e meta pa pronto brinda Kòrsou su promé museo di “man balioso” “Hands of Fame”.

“E diferente awardnan aki lo bai haña un lugá spesial den e museo”, asina Joelissa a sigui bisa, “pa asina tur hende sa ken ta i tabata nos gran baluartenan di Kòrsou”. Durante di e anochi final di Baseball Week, Joelissa a entregá e mannan na e peloteronan