Den Kwartier

Kandela ta destruí kasita di palu

50
Kwartier unda e kas di palu tabata na kandela.
Willemstad—- Pagadónan di kandela den oranan di mainta trempan mester a bai den e bario di Kwartier pa un kas ku tabata na kandela.

 

Tabata mainta trempan ku Bomberonan a haña e notisia ku den e bario di Kwartier mester tabatin un kas na kandela. Mesora a bai na e sitio indiká i a bin topa ku un kasita di palu kual ya na e momento ei tabata kompletamente na kandela. No a keda e bomberonan nada mas pa paga e loke ku ainda tabata na kandela pa evitá ku esaki por a ekspandé i destruí otro kasnan den e besindario. No ta konosí kiko por a kousa e kandela pero esaki ta den investigashon. E habitante a keda pa buska un  otro hogar pa keda ya ku no a sobra nada mas di e bibienda kaminda e tabata biba.