Kiper Jarzinho Pieter a train na Sta Maria ayera

82
Jarzinho Pieter.
WILLEMSTAD—Aparentemente kiper Jarzinho ‘Ziño’ Pieter si, no kier tende nada otro, ku no ta hunga pa Vesta i defendé e gol di e ekipo di bario di Sta Maria i bisindario.

Esaki por wòrdu dedusí, despues ku ayera e kiper, kende tambe ta parti di nos selekshon nashonal, tabata na praktiká di e ekipo dirigí pa tékniko Henry Caldera.

Un ke otro, despues ku ya esaki tabata e kaso anteriormente, pero ku no a logra pa yega na nada. Miéntras tantu tur kos ta indiká, ku un biaha mas tin kontakto.

Esaki unda ku awor ta tratando na hasi e kambio, unda Centro Dominguitu lo por haña Shurwendell ‘Pito’ Roosje for di Vesta, pa asina Vesta lo haña e kiper Jarzinho ‘Ziño’ Pieter for di Centro Dominguitu.

Tur esaki despues ku aparentemente ámbos a indiká tambe di lo no kier ta mas, ku e ekipo ku nan tabata kuné te ku temporada tras di lomba.

Rumornan di ayera nochi lat, tabata indiká inkluso, ku ya tabata hopi serka, pa yega na un akuerdo konkreto, pa e kambio.