Kuater morto registrá den kaida di avioneta riba kas na México

34
Aparentemente tin dos menor di edat entre e víktimanan.

CIUDAD DE MEXICO – Un total di kuater persona a pèrdè nan bida i otro dos mas a keda heridá na momentu ku un avioneta a kai riba un bibienda na e siudat mehikano di Culiacán, na e parti nortoksidental di e estado di Sinaloa.

E avioneta, di e aerolínea Aerocalafia, a kousa dañonan basta severo na e struktura di e bibienda den e zona residensial na nort di e estado di Culiacan. Esaki segun loke ku a keda señalá pa titular di Seguridat Públiko i Tránsito Munisipal na medionan di komunikashon di e pais.

Segun esaki a indiká, tabata un avioneta loke ku a kai i impaktá den e bibienda. Esaki mes ta kende a indiká ku tin un total di kuater víktima den e aksidente aki, konfirmando ademas ku lamentablemente dos menor di edat tambe a resultá heridá pa ku e impakto lamentabel aki.

Esaki aparentemente ta pertenesé na e liña aéreo di Aerocalafia, kua ta kubri e ruta entre Culiacan i e siudatnan di Durango i La Paz i tambe Los Cabos, entre otro.

E presidente munisipal di Culiacan, Jesús Estrada Ferreiro, a yega na e sitio di e insidente pa asina kordiná e trabounan di reskate i tambe ousilio.

Esaki a informá ademas ku tin informashonnan ku e avioneta a kai riba un bibienda pero te ainda no sa presisamente ta kiko ta loke ku por a provoká esaki su kaida. Si a indiká ku despues di terminá ku e trabounan di reskate, lo sigui mesora ku investigashonnan den e kaso aki.